Zum Beispiel Pater Peter R., ein dicklicher Religionslehrer mit Koteletten und getönter Brille, der jetzt als einer von drei bekanntgewordenen Tätern gilt – auch wenn er alles bestreitet. Nach aussen hin gab sich der Jesuit jovial und jugendnah. Der VW-Bus, mit dem er durch die Gegend fuhr, hattes das Kürzel “SJ” im Kennzeichen, für “Societas Jesu”. Später übersetzten die Canisius- Schüler die Initialen sarkastisch mit “Seine Jungs”. Mehr dazu.

(Spiegel Nr. 6/ 8.2.10 “Die Scheinheiligen. Die katholische Kirche und der Sex.”)

Dazu passend  der Zeedel der “Alti Schliesselkinder” zur Fasnacht 2010 mit dem Titel:

Adie Zölibat.

E Prieschterweih isch für de Klerus

sexualitätisch wie n e Keerus

ab däm Momnent hetts leider gheisse

nümm aalänge! Höggschtens gneisse

s isch fertig mit dr Lyybesluscht

was übrig blyybt isch puuri Fruscht

denn wenn de Prieschter wirsch, s isch schaad

muesch schwööre: yych halt s Zölibat.

Doch jetzt kunnt do Beweegig dry

vyyl wänn nümm ohni Wyybli syy

und s het dr neu Bischoff vo Sitte

persöönlig s Zölibat bestritte.

Was das denn haisst muess me bedängge

s würd vyyl in neui Bahne längge

d Pfäärer miesste sich nümm verstegge

well öpper güggelet am Egge

statt mit dr Köchin numme z schloofe

nämmt är sy mit ins Dorf zum Schwoofe

scho het e näddi Frau das au ghört

bis jetz het s Zölibat syy gstört

sy faart sofort zum Babscht no Room

und wartet vor em Petersdoom

dört rieft sy “Schluss mit Zölibat”

und hofft dr Baabscht syg scho baraat

drum het s en richtig geil aagschbrunge

und steggt em Zunge fascht in d Lunge

und wo si uff em oobe liggt

schreit är in Panik, halb verstiggt

so hälfet doch, dasch nid zum Lache

yych weiss nid waas mit Fraue mache.

Im Gottesdienscht, isch das normaal?

sinn d Fraue klar in Ueberzaal

dr neu Vikaar, ganz im Vertraue

daas isch dr Schwarm vo allne Fraue

drum isch s für d Geierwalli glaar

zur Byycht goot sy zue däm Vikaar

gneut in Byychtstuel, dief dekolltiert

und schilderet ganz unschiniert

was si so macht, wie sys hätt welle

duet alles detailliert verzelle

dä jung Vikaar isch so begeischderet

dass är d Sutane ganz vergleischderet

är seit: zur Stroof bagsch jetz e Kueche

ych kumm di denn hüt  z Nacht go bsueche

druff aabe duet är ganz schnäll schalte

und grad um iiri Hand aahalte

kumm said sy jo, hörsch ihn lyycht stööne

verzicht yych jetz uff all die Schööne

wo n ych bishär ha dörfe pflääge

gib statt mym Soome nur dr Sääge?

Ghürote syy heisst: me blybt treu

für d Prieschter isch das zimmlig neu

me könnt das zwor nid fremd go nenne

well alli sich vo vorhär kenne.

Dr Kleerus isch sich nid ganz einig

dr Wääg in d Eeh blibt zimmlig steinig

me bhaltet lieber was me hett

und springt gärn do und dört ins Bett.

Nur in de Klöschter z Irland dört

Het s Zölibat gar niemer gstört

d Luscht ka me do ganz logger gniesse

me het, wie Züri, s Knabeschiesse.

Dr nägschti Schritt, dää bruchty Muet

E “Coming out” wär doch ächt guet

daas wurd au vyyly Mönch befreye

wo sunscht sexuell  uff d Schnuure gheye

und d Partnersuechi, das isch rächt

betrifft ab sofort beidi Gschlächt.

So wärs au für de Minu klaarer

villicht wird dä jetzt au no Pfaarer.

Doch leider hett de Vatikan

bezüglig Eeh en andere Plaan

es soll soo wyter goo wie immer

d Situation wird alls wie schlimmer

s wird als no glooge und vertuscht

dr Babscht hets gsait und drumm wird kuscht

und d Prieschter mien, die arme Gselle

wyter uff d Witwe Handglängg zelle.